လက်မှာ Super glue ကော်ကပ်သွားတဲ့အခါ အလွယ်တကူ ခွာလို့ရနိုင်မယ့်နည်းလမ်း (၇) ခု

 Super glue ကော်က အိမ်တိုင်းမှာ အသုံးဝင်ပါတဲ့အရာတစ်ခုပါ။ Super glue ကော်ကို အသုံးပြုရင်းနဲ့ လက်မှာ ကော်တွေ ကပ်သွားတဲ့အခါ ခွာဖို့ အရမ်းခက်ခဲပါတယ်။ ရေနဲ့ ဆေးလို့လည်း မပြောင်သွားပါဘူး။

အဲဒါကြောင့် လက်မှာ Super glue ကော် ကပ်သွားရင် အလွယ်တကူပြောင်စင်သွားစေမယ့် နည်းလမ်းလေးတွေကို ဖော်ပြပေးလိုက်ပါတယ်နော်။

၁။ ရေနွေးထဲမှာ လက်ကို စိမ်လိုက်ပါ။

ကော်က လက်မှာ မခြောက်သွားသေးဘူးဆိုရင် ရေနွေးထဲမှာ လက်ကို ထည့်ပြီး စိမ်လိုက်ပါ။ ရေနွေးထဲမှာ ဆပ်ပြာရည်အနည်းငယ်ထည့်လို့လည်း ရပါတယ်။ ကော်က ပျော့လာတဲ့အခါမှာ အလိုက်သင့်လေး ခွာလိုက်လို့ရပါပြီ။

၂။ ဆား

ဆားနဲ့ ရေကို ပျစ်လာတဲ့အထိ မွှေလိုက်ပါ။ ပြီးနောက် လက်က ကော်တွေ ကပ်နေတဲ့နေရာမှာ ပွတ်တိုက်ပေးပါ။ ဆားက ကော်တွေကို ပြောင်စင်စေပါတယ်။

၃။ သံပုရာရည်

သံပုရာရည်အနည်းငယ်ကို ပန်းကန်လုံးတစ်လုံးထဲမှာ ထည့်ပါ။ သံပုရာရည်ထဲကို ကော်တွေ ကပ်နေတဲ့လက်ကို ၁၀ မိနစ်ကြာ ထည့်စိမ်ထားလိုက်ပါ။ အဲဒီနောက် သွားတိုက်တံလေးနဲ့ ကော်တွေကပ်နေတဲ့နေရာကို ပွတ်တိုက်ပေးပါ။

ကော်တွေ တဖြည်းဖြည်းနဲ့ ကွာလာပြီးနောက် ရေဆေးချလိုက်လို့ရပါပြီ။ ပြီးနောက် လက်ကို အစိုဓာတ်ဖြည့်ခရင်မ်တစ်ခုခု လိမ်းပေးပါ။

၄။ အုန်းဆီနဲ့ မုန့်ဖုတ်ဆော်ဒါ

အုန်းဆီနဲ့ မုန့်ဖုတ်ဆော်ဒါကို ဆတူရောပြီး အနှစ်ရလာတဲ့အထိ မွှေပါ။ ရလာတဲ့အနှစ်ကို လက်က ကော်ကပ်နေတဲ့နေရာမှာ သုတ်လိမ်းပေးပြီး ၁၀ မိနစ်ကြာထားပါ။ ကော်တွေ ပျော့ပျောင်းလာတဲ့အခါမှာ ဖြည်းဖြည်းချင်း ခွာလိုက်လို့ရပါပြီ။

၅။ သံလွင်ဆီ

လက်မှာ ကော်တွေကပ်နေတဲ့အခါ သံလွင်ဆီထဲကို မိနစ် ၂၀ကြာ ထည့်စိမ်လိုက်ပါ။ ပြီးနောက် ကော်တွေကို ဖြည်းဖြည်းလေး ခွာလို့ရပါပြီ။

၆။ အဝတ်လျှော်ဆပ်ပြာ

အဝတ်လျှော်ဆပ်ပြာအနည်းငယ်နဲ့ ရေနွေးကို ရောပြီး လက်မှာ စက္ကန့် ၂၀ကြာအောင် ပွတ်တိုက်ပေးပါ။ ကော်တွေက ဖြည်းဖြည်းချင်း ကွာကျလာပါတယ်။

၇။ လက်သည်းဖျက်ဆေး

ထိလွယ်ရှလွယ်မဟုတ်တဲ့အသားအရေပိုင်ရှင်တွေအတွက် လက်သည်းဖျက်ဆေးနဲ့ ကော်တွေကို ခွာလို့ရပါတယ်။ လက်သည်းဖျက်ဆေးကို လက်မှာ လိမ်းပေးပြီး ပွတ်တိုက်ပေးပါ။ ကော်တွေက ပျော်ဝင်သွားတဲ့အခါမှာ လက်ကို ရေနွေးနဲ့ ခဏလောက် စိမ်ထားလိုက်ပါ။

Bonus

- အသုံးပြုမယ့်ကော်က နည်းနည်းလေးပဲ ဖြစ်နေရင်တောင် လက်အိတ်ကို ဝတ်ပြီးတော့မှသာ အသုံးပြုပါ။

- Super glue ကော်ကို အသုံးမပြုခင်မှာ လက်ကို ခရင်မ်တစ်မျိုးမျိုးလိမ်းပေးပါ။

- လက်မှာ မုန့်ဖုတ်ဆော်ဒါကို အနည်းငယ်ဖြူးပြီးမှ ကော်ကို အသုံးပြုရင် ကော်ကပ်နေရင်တောင် ခွာရတာ လွယ်ကူပါတယ်။

- Super glue ကော်ကို ဖွင့်လိုက်ပြီး ပိုနေတာတွေကို ရေခဲသေတ္တာထဲမှာ သိမ်းထားရင် နှစ်ပေါင်းများစွာ ကြာရှည်အထားခံပါတယ်။